අහන් ඉන්න... අහගෙන ඉන්න...
මගෙ හදවත... මොනවද... මුමුනනවා...
ඈ... හදවතින් ලෝකය දකින යුවතියක්‌. ඇගේ හදවත මුහුනන දේ... මේ දවස්‌වල ඈ ගීයකින් ගයනවා. රුව නොවේ ඇගේ හඬ... ඔබට මේ දිනවල හුඟාක්‌ හුරුපුරුදු බව නම් විශ්වාසයි. ඒ ගීය ගයන්නේ මෙයාද... සමහරවිට හිතට කුකුසක්‌ ඇති වෙන්නත් පුළුවන්... විශ්වාස කරන්න... ඒ ගීය ගයන්නේ මැයම තමයි... දෙනෙතින් නොව හදවතින් ලෝකය දකින ඇයමයි... ඈ චින්තනී මේකලා ගමගේ....
"අහන් ඉන්න..." ගීතය වගේම රූපවාහිනි තිරය ඔස්‌සේ අපි දකින ඒ ගීයේ රූප රචනය එහෙමත් නැත්නම් විෂුවල් එකත්... හැඟුම්බරයි. එහි පෙනී සිටින්නේත් මේකලායි... ඒත් ඇයට මේ රූප රචනය කිසිදා දකින්න ලැබෙන්නේ නැහැ.
(උපුටා ගැනීම දිවයින පුවත්පතෙනි.)
අහන් ඉන්න.. අහගෙන ඉන්න..
මගෙ හිත මොනවද මුමුණනවා..
යාය පුරා නෙක නෙක පාටින් මුදු මල් පෙති ඇහැරෙනවා
පොද වැස්සක සීතල ඇවිදින් හිතට එබෙනවා..
කෝඩුකාර මල් රේණු අගින් සුවඳ බෙදනවා
ඒ සුවඳින් මගේ හුස්ම රටා මවනවා..
සිලි සිලියේ හමන සුළඟ කොඳුරන්නෙ අපටමයි
සතුට මිසක දුක මොකටද සෙනෙහස මහ මෙරයි..
අමාවකේ දුක දුරලන දසක් තරු කැට නුඹටයි
ඒ එළියෙන් දැල්වෙන ලෝකය මගෙමයි මටමයි..
පද: සෝමලතා හේරත් මැණිකේ
තනු: රුවන් ශ්‍රී වල්පොල
හඬ: මේකලා ගමගේ
Video: http://www.youtube.com/
Audio: http://www.mediafire.com/
(මෙම ගීතය පිළිබඳව ඔබ දන්නා දේ සහ ඔබට හැඟෙන දේ අප සමඟ බෙදාගන්න.)
No comments:
Post a Comment
මේ ගීතය ගැන ඔබ දන්නා දේ සහ ඔබගේ අනෙකුත් අදහස් අප සමඟ බෙදාගන්නා වූ ඔබට බොහෝම ස්තූතියි.