Tuesday, 3 July 2012

වෙහෙරක් වගේ - කරුණාරත්න දිවුල්ගනේ (Weherak Wage - Karunarathna Diwulgane)


ලොව ආදරණීයම වචනය "අම්මා". කොතෙකුත් ගී නිර්මාණ බිහි වූවත් ගයා නිම කළ නොහැකි තේමාව "අම්මා". පූජ්‍ය රඹුකන සිද්ධාර්ථ හිමියන්ගේ පද වැල ඒ අඩුව මඳක් හෝ පුරවා ඇත්තේය. "කඳුලක් වෙලා දුක් වූ කෙනෙක් වේ නම් ලොවේ නුඹයි අපෙ අම්මේ..", අපේ අම්මාවරුන් අප වෙනුවෙන් රැයක් දවාලක් නොතකා කෙතරම් දහඩිය කඳුලු හෙලා ඇත්ද?


වෙහෙරක් වගේ පින් දුන් කෙනෙක්
දෙවොලක් වගේ දුක් ඇහු කෙනෙක්
කුඹුරක් වගේ බත් දුන් කෙනෙක්
වේ නම් ලොවේ
නුඹයි අපෙ අම්මේ...

සයුරක් වගේ කිරි දුන් කෙනෙක්
වෙරළක් වගේ පණ දුන් කෙනෙක්
ඔරුවක් වගේ අත දුන් කෙනෙක්
වේ නම් ලොවේ
නුඹයි අපෙ අම්මේ...

කඳුලක් වෙලා දුක් වූ කෙනෙක්
පියුමක් වෙලා තුටු වූ කෙනෙක්
ගඟුලක් වෙලා පැන් දුන් කෙනෙක්
වේ නම් ලොවේ
නුඹයි අපෙ අම්මේ...

පද: පූජ්‍ය රඹුකන සිද්ධාර්ථ හිමි
හඬ: කරුණාරත්න දිවුල්ගනේ

Audio: http://www.mediafire.com/?kldj55jr7t6d1sd
Video: http://www.youtube.com/watch?v=yD5WAl_y65c

(මෙම ගීතය සම්බන්ධව ඔබ දන්නා දේ අප සමඟ බෙදාගන්න.)

2 comments:

  1. සංගීතය ගුණදාස කපුගේ

    ReplyDelete

මේ ගීතය ගැන ඔබ දන්නා දේ සහ ඔබගේ අනෙකුත් අදහස් අප සමඟ බෙදාගන්නා වූ ඔබට බොහෝම ස්තූතියි.